Pacolli: Osmani nuk m'i ktheu SMS-ët, njerëzit kur e kalojnë lumin nuk e shikojnë kalin

25.01.2022 22:30

Pacolli: Osmani nuk m'i ktheu SMS-ët, njerëzit kur e kalojnë lumin nuk e shikojnë kalin

Kryetari i AKR-së Behxhet Pacolli, i cili dha votën vendimtare për të bërë presidente Vjosa Osmanin, ka thënë se kjo e fundit i ka harruar të mirën që ai ia ka bërë, dhe se nuk i ktheu dy SMS që i kishte dërguar.

“Ajo mu ka falënderu aty për aty, por i kam dërgu dy SMS-a, dha as si ka ra për pak mi shiku, unë do t’ia ktheja dy fjalë, por sidoqoftë kam respekt, për institucionin, kam respekt edhe për presidenten, e dinë mira ajo sa e kam mbështet në vitin 2017 kur Isa Mustafa ka preferu me lanë jashtë listës, dhe unë e kam lutë dhe i kam vënë njëfar kushti për bashkëpunimin tonë që ajo duhet të jetë në listë"

"Bile i kam afru kryetarit të LDK-së mundësin që unë të tërhiqem prej vendit të dytë dh t’ia lë asaj. Mirëpo më duket se njerëzit kur e kalojnë lumin nuk mirren ma me kalin”, tha Pacolli në Prime Time./PORTALI.info/

x