Transportoi nxënësit në këtë mënyrë në Prishtinë, policia merr masa

14.10.2021 16:05

Transportoi nxënësit në këtë mënyrë në Prishtinë, policia merr masa

Pas pranimit të informatës, nga qytetarët, se nxënësit e një shkolle në Prishtinë, po transportohen në mënyrë të pasigurt për në shkollë, menjëherë ka reaguar Njësiti i Komunikacionit Rrugor.

Masat ndaj ngasësit të automjetit janë marrë nga zyrtarët kompetent, “të cilët përveç gjobës për bartje të pasigurt të pasagjerëve, kanë larguar nga qarkullimi automjetin, si dhe ka konfiskuar targat e automjetit”, njofton policia.

Gjatë 24 orëve të fundit në Rajonin e Prishtinës, janë shqiptuar mbi 450 gjoba për kundërvajtje të ndryshme në trafik.

Andaj për sigurinë e të gjithëve në rrugë, policia kërkon nga pjesmarrësit në trafik që të respektojnë rregullat e trafikut rrugor.

 

x