Shenjat e autizmit te të rriturit – Tetë tiparet unike të personalitetit

16.11.2021 16:18

Shenjat e autizmit te të rriturit – Tetë tiparet unike të personalitetit

Autizmi është një paaftësi zhvillimore gjatë gjithë jetës që ndikon në mënyrën se si ju komunikoni dhe ndërveproni me të tjerët.
 
Autizmi nuk është një sëmundje, të qenit autik thjesht do të thotë që truri juaj punon në një mënyrë të ndryshme nga shumica e njerëzve.

Edhe pse të lindur me autizëm, disa njerëz mbeten të pa diagnostikuar derisa të rriten.

Nëse keni autizëm, ju do të jeni autik për gjithë jetën tuaj.

Autizmi është një spektër dhe disa njerëz e kanë aftësinë e kufizuar në një formë shumë të vogël dhe është më diskrete, kështu që këta njerëz mund të mos diagnostikohen deri më vonë në jetë.

Shenjat e autizmit te të rriturit
Autizmi në përgjithësi do të thotë që ju komunikoni ndryshe nga të tjerët dhe mund ta keni të vështirë të kuptoni se si mendojnë ose ndjehen njerëzit e tjerë.

Të qenit autik mund ta bëjë të ndërlikuar të kuptuarit e informacionit, mund të mërziteni për situata të panjohura dhe ngjarje shoqërore ose nuk ju pëlqen ndryshimi.

Autizmi është i ndryshëm te fëmijët dhe të rriturit, te të rriturit simptomat kryesore janë:

E kanë të vështirë të kuptojnë se çfarë mendojnë apo ndjejnë të tjerët,
Shqetësohen shumë për situatat sociale,
Kanë vështirësi të bëjnë miq ose preferojnë të jenë vetëm,
Duken të vrazhdët ose jo të interesuar për të tjerët,
E kanë të vështirë të tregojnë se si ndihen,
E marrin fjalë për fjalë kuptimin e fjalive, mund të mos e kuptojnë sarkazmën në shumicën e kohës,
Pëlqejnë të njëjtën rutinë çdo ditë dhe shqetësohen shumë nëse ndryshon,
Pëlqejnë të planifikojnë gjërat me kujdes përpara se t’i bëjnë ato.
Të rriturit autikë gjithashtu mund ta kenë të vështirë të kuptojnë rregullat shoqërore, të tilla si të mos flasin për njerëzit. Ata mund të shmangin kontaktin me sy, ose mund të mos e kuptojnë hapësirën personale ose të mërziten nëse dikush afrohet shumë ose i prek.

Këta njerëz shpesh janë të shkëlqyeshëm në vërejtjen e detajeve të vogla, aromave ose tingujve që të tjerët nuk i vërejnë dhe ata priren të kenë një interes shumë të madh për tema ose aktivitete të caktuara.

x