Zbulohen detajet e para të Motorola Razr 3

11.01.2022 19:41

Zbulohen detajet e para të Motorola Razr 3

Admiruesit e telefonave Motorola u befasuan këndshëm në dhjetor kur drejtori i Lenovo, i cili zotëron markën legjendare, njoftoi ardhjen e pasuesit të telefonit “të palosshëm” origjinal Razr nga viti 2019, dhe tani specifikat e tij janë të njohura.

Kështu, sipas medieve të huaja, Motorola Razr 3 do të ketë procesorin Snapdragon 8 Gen 1 të Qualcomm.

Procesori do të çiftohet me 6, 8 dhe 12 GB RAM në varësi të versionit të dëshiruar, përkatësisht me 128, 256 dhe 512 GB memorie të brendshme.

Razr 3 thuhet se do të përdorë ekranin kryesor Full HD + AMOLED me një shpejtësi rifreskimi prej 120 Hz.

Dihet gjithashtu se pajisja do të përdorë sistemin operativ Android 12.

Motorola Razr 3 vjen në tregjet kineze, të Amerikës së Veriut dhe Evropës dhe së shpejti do të dihen më shumë informacione rreth smartfonit në fjalë. 

x