Abdixhiku e Haradinaj presin në takim Von Cramonin, flasin për zgjedhjet lokale

16.10.2021 16:34

Abdixhiku e Haradinaj presin në takim Von Cramonin, flasin për zgjedhjet lokale

Kryetari i Lidhjes Demokratike të Kosovës, Lumir Abdixhiku, dhe kryetari i Alëncës për Ardhmërinë e Kosovës, Ramush Haradinaj kanë pritur sot në takim delegacionin e Parlamentit Evropain të udhëhequr nga Raportuesja për Kosovën, Viola Von Cramon.

Këto takime u mbajtën një ditë para ditës së zgjedhjeve lokale, ku delegacioni nga PE-ja, do të jenë pjesë e Misionit Vëzhgues të BE-së në këto zgjedhje.

“Eurodeputetët shfaqën interesimin e tyre për përgatitjet e LDK-së për zgjedhjet dhe uruan për mbarëvajtjen e tyre. Kryetari Abdixhiku shprehu mirënjohjen për prezencën e misionit vëzhgues në monitorim të zgjedhjeve duke theksuar nevojën për një proces fer e demokratik”, thuhet në njoftimin e LDK-së.


Ndërkaq, Haradinaj ka njoftuar po ashtu se ka pritur në takim Von Cramonin, dhe bëri të ditur se kanë biseduar në lidhje me procesin zgjedhor.

“Bashkëbiseduam me eurodeputetët për procesin zgjedhor, pjekurinë politike e demokratike të Kosovës në këto zgjedhje, e po ashtu edhe për sfidat e organizimit të fushatës në gjendje pandemike. Falënderova Misionin Vëzhgues të BE-së, për punën e tyre të vazhdueshme në monitorimin e zgjedhjeve dhe mbështetjen e tyre për demokraci sa më të konsoliduar në vendin tonë”, shkruan Haradinaj. 

 

x