Gërvalla në takim me Wigemark: EULEX-i do të vazhdojë përkrahjen në sundimin e rendit dhe ligjit

21.04.2021 17:41

Gërvalla në takim me Wigemark: EULEX-i do të vazhdojë përkrahjen në sundimin e rendit dhe ligjit

Ministrja e Punëve të Jashtme dhe Diasporës e Republikës së Kosovës, Donika Gërvalla, ka pritur sot në takim shefin e Misionit të Bashkimit Evropian për Sundimin e Ligjit (EULEX),Lars Gunnar Wigemark.

Gjatë këtij takimi u diskutua lidhur me zhvillimet aktuale në Kosovë si dhe përkushtimin e Qeverisë së Kosovës për forcimin e sundimit të ligjit.

Me këtë rast ministrja Gërvalla, theksoi se Qeveria e Kosovës e ka prioritet çështjen e sundimit të ligjit si element i rëndësishëm edhe për rrugëtimin e Kosovës drejt integrimit evropian e posaçërisht për procesin e liberalizimit të vizave.

Nga ana tjetër shefi i EULEX-it, Wigemark, ka potencuar se do të vazhdojnë përkrahjen konkrete për institucionet e Kosovës në fushën e sundimit të rendit dhe ligjit.

x