Krasniqi: Ndjehem krenar që nisma për Qendrën Kombëtare të Xhudos në Pejë u realizua sot

28.09.2021 15:46

Krasniqi: Ndjehem krenar që nisma për Qendrën Kombëtare të Xhudos në Pejë u realizua sot

Kryetari i PDK-së, Memli Krasniqi, ka marrë sot pjesë në përurimin e Qendrës Kombëtare të Xhudos në Pejë.

 
Përmes një postimi në Facebook, Krasniqi ka thënë se ndihet krenar që iniciativa e tij e mëhershme si ministër i Kulturës, Rinisë dhe Sportit, sot është materializuar për të shërbyer si adresë e ngritjes së sportit të xhudos.

“Është materializuar, për të shërbyer si adresë e ngritjes së sportit të xhudos për të rinjtë e Pejës dhe mbarë Kosovës, duke ndjekur shembullin e të Artave tona, Majlindës, Distrias dhe Norës. Ky sport ndërkombëtar që vajzat tona dhe mjeshtri Driton Kuka na e kanë bërë pjesë të historisë sonë si komb, tani e tutje do të zhvillohet në parametra të rinj e të organizuar.”, shkruan ai.

Krasniqi thotë se besimi në rini, i ka shpërblyer të gjithë pa dallim.

“Prandaj duhet të punojmë e investojmë edhe më tej, për t’iu hapur atyre dritare të reja e perspektivë, që duke vënë në jetë talentin dhe shkathtësitë e tyre, jo vetëm të vazhdojnë të na bëjnë neve krenarë, por ta bëjnë Kosovën shtet të kampionëve, në lartësitë më të mëdha të sportit ndërkombëtar.”, thotë ai.

x