Lirohet Molliqaj: S’kërkojmë të mos mbahen tubimet, veç zbatim të njëjtë për secilin

12.01.2021 18:45

Lirohet Molliqaj: S’kërkojmë të mos mbahen tubimet, veç zbatim të njëjtë për secilin

Kryetari i Partisë Socialdemokrate, Dardan Molliqaj, përmes një shkrimi në llogarinë e tij në Facebook, ka reaguar ndaj arrestimit që i është bërë sot nga pjesëtarë të Policisë së Kosovës.

Ai ka thënë se përmes aksionit të sotëm është denoncuar standardi i dyfishte mbi respektimin e masave për pandeminë.

“Iu drejtuam Policisë së Kosovës me parullën: ‘Për partitë tubime, për qytetarët dënime’”.

“Kemi hasur në një reagim brutal dhe krejt të pakuptimtë. Për një parullë të shkruar, pati arrestime të dhunshme e procedime penale”.

“Për neve vazhdon të mbetet shqetësuese censura e përbrendësuar e Policisë rreth respektimit të rregullave. Edhe një herë, nuk kërkojmë të mos mbahen tubimet, veç zbatim të njëjtë për secilin”.

“Në anën tjetër, parullës e aksionit s’ka pse i frikësohet kush. Ato janë kushti dhe mundësia për demokracinë”.

x