Inspekcioni i Komunës së Prishtinës ka ndërprerë punimet në zhvillim e sipër të një mbindërtimi në një prej lagjeve të Prishtinës.

“Sot, pas raportimit nga disa banorë të shqetësuar, për një mbindërtim në lagjen Bregu i Diellit, menjëherë kemi ndërmarrë masat e nevojshme për të ndalur ndërtimin. Inspekcioni ka ndalur punimet e paligjshme, dhe ju siguroj se dënimet për këto raste do të jenë të pa falshme”, është shprehur Kryetari i Prishtinës, Përparim Rama.

“Ndërtimet e tilla nuk do të lejohen në asnjë rrethanë”.

Ai ka inkurajuar qytetarët që t’i raportojnë rastet e mbindërtimit pa leje.