Situata me zjarre në Pejë, flet kryetari i komunës, Gazmend Muhaxheri

04.08.2021 21:33

Situata me zjarre në Pejë, flet kryetari i komunës, Gazmend Muhaxheri

Tash e disa ditë Kosova dhe vendet tjera të rajonit janë duke u përballur me zjarrin.

Gjendje jo e mirë është duke ndodhur edhe në komunën e Pejës, sidomos në Shupec të Madhë.

Për këtë ka folur kryetari i Pejës, Gazmend Muhaxheri, në emisionin Prime Time, i cili tha se sot prap ka eskaluar situata pasdite për shkak të erërave, gjë që kanë ndihmuar në përhapjen zjarrit.

“Situata pasdite prapë ka eskaluar, mirëpo ka pas intervenim të helikopterëve të KFOR-it, dhe për momentin gjendja është ashtu siç ka qenë mbrëmë”

Muhaxheri ka thënë se banorët të cilët ishin evakuuar dje ende nuk janë kthyer në shtëpitë e tyre.

“Nuk janë rikthyer, sepse zjarri edhe sot është pritur që mundet me u përhap në drejtim të shtëpive të banimit zjarri sot ka ecë, në kodrën që është në drejtim të fshatit, mirëpo ka intervenuar KFOR-i, dhe zjarrfikësit, dhe është stabilizuar gjendja, dhe për momentin është më mirë se sa ka qenë mbrëmë”, tha Muhaxheri në Prime Time, në Kanal10.

Tutje Muhaxhiti ka thënë se era ka qenë armiku kryesor që e ka përhap zjarrin, ndonëse deri më tani janë shkatërruar 80 hektar tokë me pyje./PORTALI.info/

x