​Të shtunën pastrohet rruga “Muharrem Fejza”, komuna del me thirrje për qytetarët

25.05.2022 20:10

​Të shtunën pastrohet rruga “Muharrem Fejza”, komuna del me thirrje për qytetarët

Komuna e Prishtinës më 28 maj, ditë e shtunë, duke nisur nga ora 09:00, do të bëjë pastrimin e përgjithshëm të rrugës “Muharrem Fejza” me rrugët lidhëse si dhe hapësirat tjera publike në këtë zonë.

Pas pastrimit, do të bëhet edhe rikultivimi i sipërfaqeve të gjelbra në këto hapësira.

Komuna e Prishtinës kërkon nga banorët e lagjes që këtë ditë të mos i parkojnë automjetet në parkingun paralel me shiritat qarkullues të rrugës dhe as në trotuare në mënyrë që të mos pengojnë punimet.

“Lusim qytetarët për bashkëpunim, pasi në rast të mos respektimit të këtij njoftimi, Komuna e Prishtinës nuk merr përgjegjësi për dëmtime të mundshme të veturave apo mjeteve tjera motorike në këto rrugë dhe hapësira tjera publike të kësaj zone”, thuhet në njoftim.

x