Teleferiku bie nga 15 metra lartësi, vdesin tragjikisht 14 persona në Itali

23.05.2021 22:41

Teleferiku bie nga 15 metra lartësi, vdesin tragjikisht 14 persona në Itali

Ka arritur në 14 numri i viktimave nga rënia e teleferikut që po çonte vizitorët në një majë të malit për të shikuar disa nga liqenet më piktoreske të Italisë Veriore.

Në mesin e viktimave është edhe një fëmijë i cili fillimisht u dërgua në spital po nuk arriti të mbijetonte plagëve të marra, kanë thënë shërbimet e urgjencës italiane, shkruan AP.

Kryebakiakja e Stresat, Marcella Severino, tha se sipas gjitha gjasave një kabllo ishte prishur gjersa teleferiku ishte në lëvizje dhe më pas kishte rënë përtokë.

Sipas saj makina ishte rrotulluar disa herë deri sa kishte goditur disa pemë, transmeton klankosova.

Qeveria italiane urdhëroi një komision për të hetuar katastrofën, e cila vë në pyetje cilësinë dhe sigurinë e infrastrukturës së transportit të Italisë.

Sipas mediave italiane, makina besohej se kishte rënë nga rreth 15 metra lartësi .

x