Zyrtare: Ismet Lushtaku i bashkohet Varbergs BoIS

17.01.2022 21:29

Zyrtare: Ismet Lushtaku i bashkohet Varbergs BoIS

Varbergs BoIS ka konfirmuar se ka transferuar zyrtarisht Ismet Lushtakun.

Mesfushori i talentuar i është bashkuar skuadrës nga Suedia, duke nënshkruar kontratë katërvjeçare.

Përmes një njoftimi për media, BoIS e konfirmuar zyrtarisht transferimin e Lushtakut.

“Varbergs BoIS sot mund të prezantojë një përforcim të mëtejshëm për skuadrën e meshkujve, përkatësisht mesfushorin Ismet Lushaku i cili bashkohet me një kontratë katërvjeçare. Ismeti ka lindur në vitin 2000 dhe gjatë karrierës së tij ka përfaqësuar dy klube të ndryshme si Eskilstuna, me IFK Eskilstuna si klub mëmë dhe AFC Eskilstuna si klubin e fundit. Ai ka përvojë edhe nga ndeshjet me kombëtaren A dhe U21 të Kosovës”, thuhet në njoftimin e tyre.

Ismeti më pas u deklaruar shumë i lumtur që iu bashkua skuadrës, duke shpresuar që të jap më të mirën nga vetja.

“Jam shumë i lumtur që mund t’i bashkohem Varberg’s Bois dhe shpresoj të jetë një udhëtim emocionues dhe argëtues që të pret. Ndjehet si një klub shumë i njohur ku të gjithë punojnë së bashku drejt të njëjtit qëllim. Mezi pres të takohem dhe të njoh të gjithë brenda dhe përreth ekipit. Shpresoj që të mund ta çoj zhvillimin tim në drejtimin e duhur në mjedisin Bois të Varberg”, u shpreh ai. 

 

 

x